పశ్చిమ గోదావరి జిల్లా దెందులూరు మండలం కొవ్వలిలో తెలుగుదేశం నేత వడ్లపట్ల సుధాకర్ బాబు ముస్లింలకు రంజాన్ తోఫా అందజేశారు. ఒక్కో కుటుంబానికి 10 కేజీల బియ్యం, 5 కేజీల గోధుమ రవ్వ, కేజీ ఖర్జూరం, కేజీ పంచదార, కేజీ సేమియా, నెయ్యి ఇతర వస్తువులను అందజేశారు.
గ్రామంలోని మసీదు వద్ద 45 కుటుంబాలకు వీటిని పంపిణీ చేశారు . ముస్లిం సోదరులు అంతా రంజాన్ పండుగను సంతోషంగా జరుపుకోవాలని కోరారు. గతంలో ప్రభుత్వం ముస్లిం సోదరులకు తోఫా ఇచ్చేదని... ప్రస్తుతం ఆ పరిస్థితి లేనందున తాము ఈ పని చేసినట్లు తెలిపారు. ప్రతి సంవత్సరం కూడా వీటిని పంపిణీ చేస్తామన్నారు.
