పంటకాలువలో పడి తొమ్మిదేళ్ల బాలిక మృతి

పంట కాలువలో పడి తొమ్మిదేళ్ల బాలిక మృతి చెందిన ఘటన పశ్చిమగోదావరి జిల్లా కొవ్వూరులో జరిగింది. బంధువులు, అగ్నిమాపక సిబ్బంది, పోలీసులు గాలింపు చేపట్టి.. బాలిక మృతదేహాన్ని వెలికితీశారు.

పశ్చిమగోదావరి జిల్లా కొవ్వూరు మండలం నందమూరులో పంటకాలువలో పడి కీర్తన అనే బాలిక మృతి చెందింది. తొమ్మిదేళ్ల కీర్తన ఇంటి పరిసరాల్లో కుర్చీలో కూర్చొని ఉండగా.. అదుపుతప్పి పక్కనే ఉన్న పంటకాలువలో పడిపోయింది. బాలిక కోసం బంధువులు, అగ్నిమాపక సిబ్బంది, పోలీసులు గాలింపు చర్యలు చేపట్టి.. బాలిక మృతదేహాన్ని వెలికితీశారు. ఈ ఘటనతో గ్రామంలో విషాదం నెలకొంది. బంధువులు, కుటుంబ సభ్యులు కన్నీరు మున్నీరుగా విలపించారు.

ఇదీ చదవండి: