ద్వారకా తిరుమలలో నిత్యావసర సరుకుల పంపిణీ

పశ్చిమ గోదావరి జిల్లా ద్వారకా తిరుమలలో మానవత స్వచ్ఛంద సేవా సంస్థ ఆధ్వర్యంలో కార్మిక కుటుంబాలకు నిత్యావసర సరుకులను పంపిణీ చేశారు. స్థానిక ఎస్సై మధు వెంకటరాజ చేతుల మీదుగా అందజేశారు.

పశ్చిమ గోదావరి జిల్లాలోని ద్వారకా తిరుమలలో మానవత స్వచ్ఛంద సేవా సంస్థ ఆధ్వర్యంలో నిరుపేదలైన పారిశుద్ధ్య కార్మిక కుటుంబాలకు నిత్యావసర వస్తువులను పంపిణీ చేశారు. శివాలయం సెంటర్​లో ప్రతి కుటుంబానికి, నిత్యావసర వస్తువులు, వస్త్రాలను స్థానిక ఎస్సై మధు వెంకట రాజా చేతుల మీదుగా అందజేశారు. ఈ సందర్భంగా మానవత స్వచ్ఛంద సేవా సంస్థ సేవలను ఆయన కొనియాడారు. కరోనా వైరస్ మహమ్మారిని తరిమికొట్టాలంటే ప్రతి ఒక్కరూ సామాజిక దూరాన్ని పాటించాలని తెలిపారు. వ్యక్తిగత పరిశుభ్రతతో పాటు పరిసరాలను ఎప్పటికప్పుడు పరిశుభ్రంగా ఉంచుకోవాలని ఆయన సూచించారు. స్వచ్ఛమైన వాతావరణం కల్పించినప్పుడే కరోనా మహమ్మరి దరి చేరదని పేర్కొన్నారు. ఈ కార్యక్రమంలో మానవత స్వచ్ఛంద సభ్యులు ప్రభాకర్ రావు, దుర్గప్రసాద్ , వాసిరెడ్డి రామ్మోహన్​రావు పాల్గొన్నారు.

ఇదీ చూడండి:బయటికి వద్దు.. ప్రాణాలే ముద్దు