'రాయితీ విత్తనాలను రైతులకు నేరుగా అందించండి'

ప్రభుత్వం ఇస్తున్న రాయితీ విత్తనాలను నేరుగా రైతులకు అందివ్వాలని విజయనగరం జిల్లా భోగాపురం పీఎసీఎస్ అధ్యక్షులు సుందర గోవిందరావు.. అధికారులకు సూచించారు.

విజయనగరం జిల్లా భోగాపురం మండలంలో విత్తనాల పంపిణీపై వ్యవసాయ శాఖ ఆధ్వర్యంలో రైతులతో పీఎసీఎస్ అధ్యక్షులు సుందర గోవిందరావు సమావేశం నిర్వహించారు. ప్రభుత్వం ఇస్తున్న రాయితీ విత్తనాలను నేరుగా రైతులకు అందివ్వాలని ఆయన తెలిపారు.

గతంలో మాదిరిగా ఎవరైనా అధికారులు స్వార్ధంగా వ్యవహరిస్తే ఉన్నతాధికారుల దృష్టికి తీసుకువెళ్తామని ఆయన స్పష్టం చేశారు. పెద్ద రైతులకే కాకుండా సన్న, చిన్న కారు రైతులకు రాయితీపై వస్తున్న విత్తనాలను అందజేయాలని ఆయన సూచించారు.

ఇదీ చూడండి:

పారిశుద్ధ్యంపై అధికార యంత్రాంగం ప్రత్యేక దృష్టి