అంటూ జలియన్ వాలాబాగ్ ఉదంతాన్ని.. వందే మాతర గీతం ఔన్నత్యాన్ని.. మన్యం వీరుడు అల్లూరి సీతారామరాజు పోరాటతత్వాన్ని.. భారతీయుల్లో జాగృతిని నింపిన జాతీయ గీతం జన గణ మన గొప్పతనాన్ని.. నేటీ తరానికి సంక్షిప్తంగా ఈ గీతం వర్ణించి చెబుతోంది. 1990లో గంటేడ గౌరినాయుడు కలం నుంచి జాలు వారిన ఈ గీతం.. నేటికీ ఎంతో ప్రాచుర్యంలో ఉంది. పలు ప్రదర్శనల్లో ఈ పాట నృత్య రూపంలో ప్రదర్శించబడుతోంది.
ఈ గీతాన్ని మహారాష్ట్ర విద్యాశాఖ నూతనంగా రూపొందించిన తొమ్మిదో తరగతి తెలుగు పాఠ్యపుస్తకంలో మొదటి పాఠంగా చేర్చింది. రాష్ట్రేతర తెలుగు పాఠ్యాంశాల్లో చోటు దక్కించుకున్న ఈ పాట రచయిత గంటేడ గౌరినాయుడికి అరుదైన గౌరవం దక్కింది. గౌరినాయుడు స్వస్థలం విజయనగరం జిల్లా కొమరాడ మండలం దళాయిపేట. ఇతను గిరిజన సంక్షేమ శాఖలో తెలుగు ఉపాధ్యాయునిగా పనిచేశారు. స్వాతంత్ర దినోత్సవానికి ప్రత్యేకంగా దేశభక్తి ప్రబోధించే గీతాలను రాయడం గౌరినాయుడి ప్రత్యేకత. ఎన్నో కథలు, కవితలు, గజల్స్ రచించారు. అంతేకాదు.. గౌరినాయుడు మంచి చిత్రకారుడు, గేయకారుడు . ఇటీవల నైల్ ఆర్ట్ లోనూ మంచి ప్రావీణ్యం సాధించారు. ఉద్యోగ విరమణ తర్వాత.. పార్వతీపురంలో "స్నేహ కళా సాహితీ" అనే సంస్థను స్థాపించారు. దీని ద్వారా తెలుగు సాహిత్యం, రచనకు సంబంధించి ఔత్సాహికులను ప్రోత్సహిస్తున్నారు. తన రచనల ద్వారా జిల్లా, రాష్ట్ర స్థాయిలో ఎన్నో పురస్కారాలు అందుకున్నారు.
1993లో విజయనగరం జిల్లాలో సంపూర్ణ అక్షరాస్యత కార్యక్రమంగా అక్షర విజయం నిర్వహించారు. ఈ కార్యక్రమానికి ప్రారంభ గీతంగా అప్పటి కలెక్టర్ వి. నాగిరెడ్డి ఈ పాటని ఎంపిక చేశారు. ఈ గీతానికి సాలూరు వాసురావు సంగీతం సమకూర్చారు. అప్పటి నుంచి ఈ గీతం... అత్యంత ప్రాచుర్యం పొందింది. లోక్ సత్తా పార్టీ వ్యవస్థాపక అధ్యక్షుడు జయప్రకాశ్ నారాయణ తమ పార్టీ ప్రచార గీతాల సీడీలో ప్రారంభ గీతంగా ఈ పాటను చేర్చారు.
తెలుగు రాష్ట్రాల్లో ఎక్కువగా వినిపించే ఈ గీతాన్ని మహారాష్ట్ర విద్యాశాఖ... తమ రాష్ట్ర తొమ్మిదో తరగతి తెలుగు పాఠ్యపుస్తకంలో పాఠ్యాంశంగా చేర్చటం మన తెలుగు వారి కలం గొప్పతనాన్ని చాటుతోంది.
ఇవీ చూడండి..
