రాష్ట్ర వ్యాప్తంగా కరోనా నేపథ్యంలో అత్యవసర వైద్య సేవల కోసం ఒప్పంద ప్రతిపాదికన సిబ్బంది నియామకాన్ని పెద్ద ఎత్తున చేపట్టారు. ఈ మేరకు రాష్ట్ర వ్యాప్తంగా ఒక్కో జిల్లాకు ఒక్కో ఏజెన్సీ... ఉద్యోగులను నియమించింది. స్థాయిని బట్టి 15 వేల నుంచి 23 వేల వరకు వేతనాలను నిర్ణయించింది. ప్రతి నెలా క్రమం తప్పకుండా జీతాలు చెల్లిస్తామన్న ఏజెన్సీలు... ఐదు నెలలు గడుస్తున్నా ఒక్క నెలా వేతనాన్ని ఇవ్వలేదు.
వైద్య ఆరోగ్యశాఖ ఉన్నతాధికారులు, జిల్లా ఉన్నతాధికారులకు మెురపెట్టుకున్నా ఒప్పంద సిబ్బందికి ఫలితం లేకుండా పోయింది. జిల్లాకు చెందిన ఒప్పంద ఉద్యోగులు స్పందన కార్యక్రమంలో కలెక్టర్ హరి జవహర్ లాల్ ను కలిశారు. తమ సమస్య విన్నవించారు. పెండింగ్లో ఉన్న జీతాలను చెల్లించాలని డిమాండ్ చేశారు. అదే విధంగా ఉద్యోగం కొనసాగింపుపై స్పష్టత ఇవ్వాలని కలెక్టర్కు విజ్ఞప్తి చేశారు.
ఇదీ చదవండి:
కార్పొరేట్‌ కొలువు వదిలింది.. నేతన్నలు 'సంత'సించేలా చేసింది!
