పాడుబడ్డ వాహనంలో.. గుర్తు తెలియని మృతదేహం

విశాఖ జిల్లా అనకాపల్లిలో పాడుబడిన వ్యాన్​లో గుర్తు తెలియని మృతదేహన్ని స్థానికులు గుర్తించి పోలీసులకు సమాచారమిచ్చారు. పోస్టుమార్టానికి తరలించిన పోలీసులు దర్యాప్తు చేపట్టారు.

పాడుబడిన వ్యాన్​లో గుర్తు తెలియని మృతదేహన్ని స్థానికులు గుర్తించారు. విశాఖ జిల్లా అనకాపల్లి పూడిమడక రోడ్డులోని ఒక ఖాళీ స్థలంలో నిలిపి ఉన్న వ్యాన్​లో 35 నుంచి 40 సంవత్సరాల వయసున్న వ్యక్తి మృతదేహాన్ని గుర్తించినట్టు అనకాపల్లి పట్టణ ఎస్ఐ రామకృష్ణ తెలిపారు.

సదరు వ్యక్తి మృతి చెంది 3 నుంచి 5 రోజుల గడిచి ఉంటుందని పోలీసులు ప్రాథమికంగా గుర్తించారు. మృతికి కారణాలు ఇంకా తెలియరాలేదన్నారు. మృతదేహాన్ని పోస్టుమార్టం నిమిత్తం అనకాపల్లి ఎన్టీఆర్ జిల్లా ఆస్పత్రికి తరలించారు. కేసు దర్యాప్తు చేస్తున్నట్లు ఎస్ఐ తెలిపారు.

ఇదీ చదవండి: