సంక్రాంతికి సొంత ఊళ్లకు వెళ్లినవారు తిరుగు ప్రయాణాలు మొదలు పెట్టారు. రాష్ట్ర ఆర్టీసీ ప్రయాణికుల కోసం మరిన్ని సర్వీసులు నడిపేందుకు సిద్ధమైంది. విశాఖలోని ద్వారక బస్ స్టేషన్, మద్దిలపాలెం బస్ స్టేషన్ నుంచి ప్రయాణికులు పెద్ద ఎత్తున ఇతర ప్రాంతాలకు వెళ్తున్నారు.
వారి సౌకర్యార్థం.. ఆర్టీసీ అధికారులు జిల్లా వ్యాప్తంగా అదనంగా 500 బస్సులను సిద్ధం చేశారు. రద్దీ దృష్ట్యా అప్పటికప్పుడు మరిన్ని ప్రత్యేక బస్సులను తిప్పడానికి విశాఖ ప్రాంతీయ ఆర్టీసీ సిద్ధంగా ఉన్నట్లు అధికారులు పేర్కొన్నారు. రీజినల్ మేనేజర్ ఎం.వై దానం నేతృత్వంలో అధికారుల బృందం ప్రత్యేక బస్సుల ఏర్పాట్లను పర్యవేక్షిస్తోంది.
ఇవీ చూడండి:
