అతివేగం తీసిన ప్రాణం.. ఒకరు మృతి

విశాఖ జిల్లా పెద్దపల్లి సమీపంలో రోడ్డు ప్రమాదం జరిగింది. ద్విచక్ర వాహనం పై వెళ్తున్న వ్యక్తులు అతివేగంతో డివైడర్ ను ఢీ కొట్టారు. ఇందులో ఒకరు ప్రాణాలు కోల్పోగా.. మరొకరు తీవ్రంగా గాయపడ్డారు.

విశాఖ జిల్లా యలమంచిలి మండలం పెద్దపల్లి సమీపంలో.. జాతీయ రహదారిపై ప్రమాదం జరిగింది. ఒకరు మృతి చెందగా.. మరొకరు తీవ్రంగా గాయపడ్డాడు. విశాఖ నుంచి ఇద్దరు వ్యక్తులు ద్విచక్ర వాహనంపై.. తూర్పు గోదావరి జిల్లా పెద్దాపురం వెళ్తుండగా అదుపుతప్పిన వాహనం డివైడర్ ను ఢీకొట్టింది.

ఈ ప్రమాదంలో బైక్ నడుపుతున్న ముద్రగడ శ్రీను (19) అక్కడికక్కడే మృతి చెందాడు. బైక్ వెనుక కూర్చున్న అయుధం పోతురాజు (30) తీవ్రంగా గాయపడ్డాడు. అతివేగం వల్లే ప్రమాదం జరిగిందని పోలీసులు గుర్తించారు. కేసు నమోదు చేశారు.

ఇవీ చదవండి: