విశాఖ జిల్లా చీడికాడ మండలం అర్జునగిరిలో రజకులు బల్లలు పండుగను ఎంతో సంప్రదాయంగా.. భక్తి శ్రద్ధలతో జరుపుకున్నారు. ప్రతిఏటా సంక్రాంతి తరువాత.. బల్లలు పండుగ నిర్వహించడం ఆనవాయితీగా వస్తుందని రజకులు పేర్కొన్నారు. గ్రామంలోని రజకులంతా చాకిరేవు వద్దకు డప్పులతో చేరుకుంటారు. ఆ సమయంలో పెద్దలు, మహిళలు, యువత, పిల్లలు ఎంతో ఆనందంగా గడుపుతారని చెప్పారు.
దైవంగా భావించే రాతి బల్లలు, కులవృత్తి పరికరాలకు పసుపు, కుంకుమ, పళ్లు, పువ్వులతో భక్తి శ్రద్ధలతో పూజలను నిర్వహిస్తామని అన్నారు. సంప్రదాయంగా జరిగే ఈ పండుగతో గ్రామంలో ఆధ్యాత్మిక శోభ సంతరించుకుంటుందని తెలిపారు.
