మళ్లీ మనమే రావాలి.. బాగా పనిచేయండి!

విశాఖ ఉత్తర నియోజకవర్గానికి చెందిన తెదేపా బూత్ కోఆర్డినేటర్లు, బూత్ కన్వీనర్లు, ముఖ్య నాయకులతో.. అక్కడి పార్టీ అభ్యర్థి మంత్రి గంటా ఆత్మీయ సమావేశం నిర్వహించారు. తెదేపా ప్రభుత్వం మళ్లీ అధికారంలోకి వచ్చేందుకు కృషి చేయాలని దిశానిర్దేశం చేశారు.

విశాఖ ఉత్తర శాసనసభనియోజకవర్గానికి చెందిన కార్యకర్తలు, నేతలతో మంత్రి గంటా శ్రీనివాసరావు విస్తృత స్థాయి సమావేశం నిర్వహించారు. దసపల్లా హోటల్లో నిర్వహించిన ఈ కార్యక్రమంలో శ్రేణులకు దిశానిర్దేశం చేశారు. తెదేపా తిరిగి అధికారంలోకి రావాలనే దృఢ సంకల్పంతో ప్రతి ఒక్కరూపని చేయాలని సూచించారు. ఉత్తర నియోజకవర్గంలో తనని అత్యధిక మెజార్టీతో గెలిపించాలని కోరారు.