'ప్రమాదానికి కారణమైన వారిపై కఠిన చర్యలు'

విశాఖ గ్యాస్ లీకేజీ ఘటనపై రాష్ట్ర హోంమంత్రి స్పందించారు. స్టైరీన్ అనే రసాయనం ఎక్కువ రోజులు నిల్వ ఉండటం వల్లే అది విషవాయువుగా మారిందని వివరించారు. ప్రమాదానికి కారణమైన వారిపై కఠిన చర్యలు తీసుకుంటామని స్పష్టం చేశారు.

విశాఖలోని ఎల్జీ పాలిమర్స్ పరిశ్రమలో విషవాయువు లీకేజీ ఘటనకు స్టైరీన్ అనే రసాయనం ఎక్కువ రోజులు నిల్వ ఉండటమే కారణమని ప్రాథమికంగా అంచనా వేశామని... హోం, విపత్తుల నిర్వహణ శాఖ మంత్రి సుచరిత వివరించారు. ఈ ఘటనపై గోపాలపట్నం పోలీస్ స్టేషన్​లో కేసు నమోదు చేశామన్న హోంమంత్రి... ప్రమాదానికి కారణమైన వారిపై చర్యలు తీసుకుంటామని స్పష్టం చేశారు. ఇలాంటి ఘటనలు పునరావృతం కాకుండా ఉన్నతస్థాయి కమిటీని ఏర్పాటు చేశామని సుచరిత తెలిపారు.

ఇదీచదవండి.