అమెరికాలోని స్టాన్‌ఫోర్డ్‌ విశ్వవిద్యాలయం భారతదేశం నుంచి పలువురు శాస్త్రవేత్తలకు ర్యాంకింగులు ఇచ్చింది. అందులో ఆచార్య సుబ్బారావు ర్యాంకును 557గా ఖరారు చేసింది. పర్యావరణ సాంకేతికరంగ విభాగంలో ఆయన పేరును పొందుపరచింది. స్టాన్‌ఫోర్డ్‌ విశ్వవిద్యాలయం ఇటీవల ఆయా ర్యాంకులను విడుదల చేసినట్లు ఆచార్య నందిపాటి సుబ్బారావు ‘ఈనాడు’కు వెల్లడించారు. పర్యావరణ హైడ్రోజియాలజీ సంబంధిత అంశాలపై ఆయన వందకు పైగా పరిశోధన పత్రాలను సమర్పించి ‘లిమ్కా బుక్‌’ రికార్డును కూడా సాధించారు. గతంలో ‘జాతీయ ఖనిజ’ అవార్డును, ‘ఆంధ్రప్రదేశ్‌ సైంటిస్ట్‌’ అవార్డును, రాష్ట్ర ఉత్తమ ఉపాధ్యాయ అవార్డును స్వీకరించారు. గత సంవత్సరం ఉద్యోగ విరమణ చేశారు.
ఇదీ చదవండి:
