విశాఖ ఏజెన్సీ అనంతగిరిలోని ప్రభుత్వ జూనియర్ కళాశాల వద్ద 650 కిలోల గంజాయి పట్టుబడింది. విశాఖ ఏజెన్సీ మీదుగా మధ్య ప్రదేశ్కు కంటైనర్ వాహనంలో గంజాయిని తరలిస్తున్నట్లు అనంతగిరి పోలీసులకు సమాచారం అందింది. అరకు సీఐ దేవుడు బాబు నేతృత్వంలో ఎస్సై కరక రాము నిఘా వేసి అనంతగిరి ఘాట్ రోడ్లో కంటైనర్ని పట్టుకున్నారు. కంటైనర్లో బస్తాల మధ్యలో ఉన్న గంజాయిని పోలీసులు గుర్తించి.. అక్రమ రవాణాకు పాల్పడుతున్న రంజిత్ బాటియ్య అలియాస్ రంజిత్ సింగ్ బాటియ్యను పోలీసులు అరెస్టు చేశారు. గంజాయి అక్రమ రవాణాకు వినియోగించిన కంటైనర్ను పోలీసులు సీజ్ చేశారు.
గంజాయిపై ఉక్కుపాదం మోపాలని జిల్లా ఎస్పీ కృష్ణారావు ఇచ్చిన ఆదేశాల మేరకు వాహనాల తనిఖీలు ముమ్మరం చేస్తున్నామని సీఐ దేవుడు తెలిపారు. ఈ తనిఖీల్లో భాగంగానే అనంతగిరి వద్ద 650 కిలోల గంజాయిని పట్టుకున్నామని చెప్పారు. ఇకపై గంజాయి అక్రమ రవాణాకు పాల్పడితే వారిపై రౌడీ షీటర్ ఓపెన్ చేస్తామని హెచ్చరించారు. గంజాయి అక్రమ రవాణలో పాల్గొని బంగారు భవిష్యత్తును యువత పాడు చేసుకోవద్దని సూచించారు. ఈ సమావేశంలో అరకు ఎస్సై నజీర్ అనంతగిరి పోలీసులు పాల్గొన్నారు.
ఇదీ చదవండి:
red sandal: చెన్నైలో చిత్తూరు పోలీసుల తనిఖీలు.. రూ.5 కోట్ల విలువైన ఎర్రచందనం పట్టివేత
