ఇళ్లకు స్టిక్కర్ అంటించేందుకు వెళ్లిన వాలంటీర్​పై దాడి

శ్రీకాకుళం జిల్లా చెలికానివలస గ్రామ వాలంటీర్​పై పలువురు దాడికి పాల్పడ్డారు. క్వారంటైన్​లో ఉన్నవారి ఇళ్లకి స్టిక్కర్ అంటించేందుకు వెళ్లిన అతనిపై దాడికి పాల్పడినట్లు కుటుంబసభ్యులు తెలిపారు. పోలీసులు కేసు నమోదు చేసి దర్యాప్తు చేపట్టారు.

శ్రీకాకుళం జిల్లా ఆముదాలవలసలోని కొత్త చెలికానివలస గ్రామంలో వాలంటీర్​పై పలువురు దాడి చేశారు. ఇతర ప్రాంతాల నుంచి వచ్చి హోమ్ క్వారంటైన్​లో ఉన్నవారి ఇళ్లకి స్టిక్కర్ అంటించేందుకు వెళ్లిన అతనిపై కొందరు వ్యక్తులు దాడి చేశారు. దీంతో వాలంటీర్ కుటుంబ సభ్యులు వారిపై ఎదురుదాడికి దిగారు. ఈ తగాదాలో పలువురికి స్వల్ప గాయాలయ్యాయి. ఒక్కసారిగా గ్రామంలో ఉద్రిక్త వాతావరణం నెలకొంది. ఈ ఘటనలో 15 మందిపై పోలీసులు కేసు నమోదు చేశారు.

ఇదీ చదవండి: ఇతర ప్రాంతాల నుంచి జిల్లాకు వస్తే.. నేరుగా క్వారంటైన్​కే!