తల్లి ఆత్మహత్య... అనాథలైన ఇద్దరు పిల్లలు

క్షణికావేషంలో ఆ తల్లి తీసుకున్న నిర్ణయం కారణంగా.. చిన్న పిల్లలు అనాథలుగా మిగిలారు. భర్తతో మనస్పర్ధల కారణంతో భార్య పుష్పలత ఆత్యహత్యకు పాల్పడింది. ఈ విషాద సంఘటన కర్నూలు జిల్లా డోన్ పట్టణంలో చోటు చేసుకుంది.

కర్నూలు జిల్లా డోన్ పట్టణంలోని ప్రజా వైద్యశాల వీధిలో ఓ మహిళ ఆత్మహత్యకు పాల్పడింది. భర్త విశ్వనాథ్ శెట్టితో భార్య పుష్పలతకు కొన్ని రోజులుగా మనస్పర్థలు ఉన్నాయి. ఈ నేపథ్యంలో ఇవాళ మేడపైకి వెళ్లి ఒంటిపై డీజిల్ పోసుకుని నిప్పంటించుకుంది. కేకలు వేయడంతో స్థానికులు చూసి కుటుంబ సభ్యులకు సమాచారం ఇచ్చారు.

స్పందించిన కుటుంబ సభ్యులు గోనె సంచి కప్పి మంటలు ఆర్పారు. అప్పటికే పుష్పలత మృతి చెందింది. వీరికి ఒక కుమారుడు, కుమార్తె ఉన్నారు. క్షణికావేషంలో ఆ తల్లి తీసుకున్న నిర్ణయం కారణంగా... చిన్న పిల్లలు అనాథలుగా మిగిలారు. పుష్పలత గత మూడు రోజులుగా కడుపు నొప్పితో బాధపడుతుందని కుటుంబ సభ్యులు చెబుతున్నారు.

ఇదీ చదవండీ... నాన్న.. నన్నెందుకు ఇలా చేశావ్!