'వ్యాపారాల నిర్వహణకు మధ్యాహ్నం రెండు గంటల వరకు అనుమతి'

కొవిడ్​ కేసులు పెరుగుతున్న నేపథ్యంలో కర్నూలులో ఆంక్షలు కఠినతరం చేస్తామని డీఎస్పీ మహేశ్​ తెలిపారు. రాత్రి కర్ఫ్యూ సమయంలోనూ మర్పులు చేస్తామని చెప్పారు.

కర్నూలులో కరోనా పెరుగుతున్నందున ఆంక్షలను మరింత కఠినంగా అమలు చేస్తామని డీఎస్పీ మహేశ్​ తెలిపారు. నేటి నుంచి వ్యాపారాల నిర్వహణకు మధ్యాహ్నం రెండు గంటల వరకు అనుమతి ఉంటుందని చెప్పారు. ఆ తర్వాత ఎవరైనా దుకాణాలు తెరిచి ఉంచితే కేసులు పెడతామని హెచ్చరించారు. సాయంత్రం ఆరు గంటల నుండి కర్ఫ్యూ విధిస్తామన్నారు. ఆస్పత్రులు, మెడికల్ షాపులకు అనుమతి ఉంటుందని చెప్పారు. హోటళ్లలో పార్సల్స్​కు మాత్రమే అనుమతిస్తామని తెలిపారు. ప్రజలంతా నిబంధనల అమలుకు సహకరించాలని కోరారు.

ఇదీ చదవండి: అమలాపురంలో ఒక్కరోజే కరోనాతో 10 మంది మృతి