శ్రీశైలానికి సమీపంలోని పాలధార - పంచదార వద్ద మహా వృక్షం నేలకొరిగింది. పెనుగాలులు వీచిన కారణంగా.. ఈ మహావృక్షం కూలిపోయింది. ఆధ్యాత్మిక కేంద్రంగా ఎంతో విశేష చరిత్ర ఉన్న ఈ ప్రాంతంలో.. పచ్చదనానికి, రమణీయతకు నిలయమైన ఈ ప్రాంతంలో ఇంతటి మహా వృక్షం ఇలా పడిపోవడం.. ప్రకృతి ప్రేమికులను, మల్లన్న భక్తులనే కాదు.. సామాన్యులనూ కలచి వేస్తోంది.
అద్వైతమూర్తి జగద్గురు ఆదిశంకరాచార్యులు ఆరవ శతాబ్దంలో శ్రీశైలంని పర్యటించి ప్రకృతి రమణీయత కలిగిన పాలధార-పంచదార ప్రదేశంలో తపస్సు చేశారని చరిత్ర చెబుతోంది. ఆ సమయంలో శ్రీశైల భ్రమరాంబ మల్లికార్జున స్వామివార్లపై శివానందలహరి, సౌందర్యలహరి అనే ఆధ్యాత్మిక గ్రంథాలను రచించారు. ఈ కారణంగా శ్రీశైలాన్ని దర్శించే భక్తులు, పర్యటకులు తప్పనిసరిగా ఈ క్షేత్రాన్ని సందర్శించడం పరిపాటి. ఇలాంటి చోట నేలకొరిగిన మహా వృక్షం.. భక్తులకు వేదన మిగిల్చింది.
ఇదీ చదవండి:
