కృష్ణా జిల్లా మచిలీపట్నం- విజయవాడ జాతీయ రహదారి పై బల్లిపర్రు సమీపాన జరిగిన ప్రమాదంలో ఓ వ్యక్తి మృతి చెందాడు. ముందుగా వెళుతున్న లారీ సడన్ బ్రేక్ వేయగా.. వెనుక నుంచి వస్తున్న మోటార్ సైకిల్ ఆ లారీని ఢీకొట్టడంతో ఈ విషాద ఘటన జరిగింది. మృతుడు గుంటూరు తోటకు చెందిన తూమాటి గిరిబాబుగా పోలీసులు గుర్తించారు. అతను గుడివాడ, మచిలీపట్నం పట్టణాల్లో ఆయుర్వేద మందుల రిప్రజెంటేటివ్గా పని చేస్తుంటారని తెలిపారు. మృతదేహాన్నిగుడివాడ ప్రభుత్వ ఆసుపత్రికి తరలించిన పామర్రు పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి: నిత్యావసరం.. మూడు నెలల్లో ధరా ఘాతం!
