అగ్ని ప్రమాదం... మహిళకు తీవ్ర గాయాలు

ఓ ఇంట్లో బాణ సంచా తయారు చేస్తుండగా ప్రమాదవశాత్తు అగ్ని ప్రమాదం జరిగింది. ఈ ఘటనలో మహిళకు పూర్తిగా శరీరం కాలిపోయింది. కుటుంబీకులు ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. ఈ ఘటన కృష్ణా జిల్లా ఉల్లింగపాలెంలోని హరిజనవాడలో జరిగింది.

కృష్ణా జిల్లా చిన్నఉల్లింగపాలెం హరిజనవాడలో అగ్ని ప్రమాదం జరిగింది. ఓ ఇంట్లో బాణసంచా తయారు చేస్తుండగా ప్రమాదవశాత్తూ మంటలు అంటుకుని వేగంగా వ్యాపించాయి. ఈ ఘటనలో చీలి రాధ అనే మహిళ మంటల్లో చిక్కుకుంది.

ఆమె శరీరం పూర్తిగా కాలి పోయింది. సంఘటన స్థలానికి చేరుకున్న పోలీసులు మహిళను ప్రభుత్వ ఆసుపత్రికి తరలించారు. ఇళ్ల మధ్యలో బాణ సంచా తయారు చేయడంపై కేసు నమోదు చేశారు. ఘటనకు సంబంధించిన పూర్తి వివరాలు సేకరిస్తున్నారు.

ఇవీ చదవండి: