రెండు లారీలు ఢీ.. డ్రైవర్ మృతి

తెల్లవారు జామున జరిగిన ప్రమాదం ఒకరి ప్రాణాలు బలి తీసుకుంది. మరో ప్రాణాన్ని ప్రమాదంలోకి నెట్టింది. కృష్ణాజిల్లా గొల్లపల్లి వద్ద జరిగిన రోడ్డు ప్రమాదంలో డ్రైవర్ మృతిచెందగా.. మరొకరికి తీవ్ర గాయాలయ్యాయి.

కృష్ణాజిల్లా నూజివీడు మండలం గొల్లపల్లి వద్ద రోడ్డు ప్రమాదం జరిగింది. వైజాగ్ నుంచి బొగ్గు లోడుతో వస్తున్న లారీ ఎదురుగా వస్తున్న మరో లారీని ఢీకొట్టింది. ఈ ఘటనలో లారీ డ్రైవర్ అక్కడికక్కడే మృతి చెందాడు. మరో డ్రైవర్​కు తీవ్ర గాయాలయ్యాయి. అతనిని నూజివీడు ఏరియా ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.

ఇవీ చదవండి..

మద్యం మత్తు తీసింది రెండు నిండు ప్రాణాలు