డ్రగ్ మాఫియాను అరికట్టేందుకు పోలీసులు అన్ని రకాల చర్యలూ తీసుకుంటున్నామని డీజీపీ గౌతం సవాంగ్ తెలిపారు. అంతర్జాతీయ యాంటీ డ్రగ్స్ దినోత్సవం సందర్భంగా గుంటూరు జిల్లా మంగళగిరి కార్యాలయంలో ప్రత్యేక కార్యక్రమం నిర్వహించారు. కొందరు ప్రముఖులు, జిల్లా ఎస్పీలు, విద్యార్థులతో వీడియో కాన్ఫరెన్స్ నిర్వహించారు.
మాదక ద్రవ్యాల వినియోగం, అక్రమ రవాణాపై అవగాహన కల్పిస్తూ వీడియోను డీజీపీ విడుదల చేశారు. యువకులు మత్తుకు బానిసలుగా మారి విలువైన భవిష్యత్తును కోల్పోవద్దని ప్రముఖులు పిలుపునిచ్చారు. మాదకద్రవ్యాలకు బానిసలుగా మారుతున్న యువతపై తల్లిదండ్రుల నిఘా అవసరమని సవాంగ్ అభిప్రాయపడ్డారు.
