గుంటూరు జిల్లా వినుకొండ పట్టణం సమీపంలోని కారంపూడి రోడ్లో వాహనాల తనిఖీ సందర్భంగా రెండు కిలోల పొడి గంజాయిని పోలీసులు పట్టుకున్నారు. వినుకొండ స్పెషల్ ఎన్ఫోర్స్మెంట్ బ్యూరో ఇన్స్పెక్టర్ కె. శ్రీనివాస్ ఆధ్వర్యంలో నిషేధిత గంజాయి అక్రమ రవాణాపై వాహన తనిఖీలు చేపట్టారు. ఈపూరు మండలం కొచెర్ల గ్రామానికి చెందిన ఒంటిపులి వెంకట కోటయ్య గంజాయి తరలిస్తుండగా గుర్తించారు. గంజాయిని స్వాధీనం చేసుకుని.. నిందితున్ని అదుపులోకి తీసుకున్నారు.
వినుకొండ పట్టణంలో కొంతమంది యువత గంజాయికి బానిసలు అవుతున్నట్లు సమాచారం ఉందని ఎస్ఈబీ ఇన్స్పెక్టర్ కె. శ్రీనివాస్ అన్నారు. ఇప్పటికే వినుకొండ ఎస్ఈబీ స్టేషన్ పరిధిలో నలుగురిపై గంజాయి కేసులు పెట్టినట్లు ఆయన తెలిపారు. అధికారుల ఆదేశాల మేరకు త్వరలోనే పలు కళాశాలలు, పాఠశాల్లలో గంజాయి వల్ల జరిగే అనర్ధాలపై అవగాహన సదస్సులు, ర్యాలీలు చేపట్టనున్నట్లు ఆయన వెల్లడించారు.
ఇదీ చదవండి:
నీటి పన్ను చెల్లించమంటే.. ప్రభుత్వ సిబ్బందిపై రౌడీషీటర్ దాడి
