వినుకొండలో యథేచ్ఛగా ఇసుక అక్రమ రవాణా

గుంటూరు జిల్లా వినుకొండలో ఇసుక అక్రమ రవాణా యథేచ్ఛగా సాగుతోంది. గండ్లకమ్మనది పరివాహక ప్రాంతంలో అక్రమార్కులు ఇసుక రీచ్​లు ఏర్పాటు చేసుకొని వందల కొద్ది ట్రాక్టర్లతో ఇసుకను తరలిస్తున్నారు.

గుంటూరు జిల్లా వినుకొండలో ఇసుక మాఫియా రెచ్చిపోతోంది. ప్రభుత్వ పథకాలకే ఇసుక తరలిస్తున్నామని చెబుతూ.. బహిరంగ మార్కెట్​లో విక్రయిస్తున్నారు. గుండ్లకమ్మ నది పరివాహక ప్రాంతంలో అక్రమార్కులు ఇసుక రీచ్​లు ఏర్పాటు చేసుకుని ప్రతిరోజు వందల కొద్ది ట్రాక్టర్లతో ఇసుకను తరలిస్తున్నారు. స్థానిక ఎమ్మెల్యే కనుసన్నల్లోనే ఇసుక అక్రమ రవాణా జరుగుతున్నట్లు విశ్వసనీయవర్గాల సమాచారం.

ఇసుక అక్రమ రవాణా అంశాన్ని నూజెండ్ల ఎమ్మార్వో ఎలీషా బాబు దృష్టికి తీసుకెళ్లగా..సంబంధిత వీఆర్వోకు ఇసుక రీచ్​లపై నిఘా పెట్టాలని ఆదేశాలు జారీ చేశారు.

ఇదీచదవండి