గుంటూరు అంకమనగర్కు చెందిన ఝాన్సీరాణి... జూన్ 26న మగబిడ్డకు జన్మనిచ్చింది. చిన్నారి అనారోగ్యంగా ఉండటంతో వైద్యుల పర్యవేక్షణలో ఉంచారు. ఈ క్రమంలో బుధవారం 3.30 గంటలకు శిశువు చనిపోయినట్లు వైద్యులు నిర్ధారించారు. చిన్నారి తల్లిదండ్రులకు మృతదేహాన్ని అప్పగించి, మరణ ధ్రువీకణ పత్రాన్ని ఇచ్చారు.
మరోసారి చనిపోయినట్లు...
ఇంటికి వెళ్లిన కొద్దిసేపటికి శిశువులో కదలికలు గమనించిన తల్లిదండ్రులు... స్థానికంగా ఉండే ఆర్ఎంపీ వైద్యులను సంప్రదించారు. చిన్నారి బతికే ఉన్నట్లు ఆర్ఎంపీ వైద్యులు చెప్పడంతో హుటాహుటిన జీజీహెచ్కు తరలించారు. అక్కడ మరోసారి వైద్య పరీక్షలు నిర్వహించిన వైద్యులు... మార్గమధ్యంలో చనిపోయినట్లు మరోసారి సర్టిఫికెట్ ఇచ్చారు. దీనిపై తీవ్ర ఆగ్రహం వ్యక్తం చేసిన చిన్నారి బంధువులు... మొదట చనిపోకుండానే చనిపోయినట్లు నిర్ధారించి ఇంటికి పంపించారంటూ ఆందోళనకు దిగారు. ఇంటికి తీసుకెళ్లి ఉండకపోతే శిశువు బతికే వాడని ఆవేదన వ్యక్తం చేశారు.
కలెక్టర్ ఆదేశాలతో తదుపరి చర్యలు...
ఈ ఘటనపై ఆర్ఎంవో సతీష్ కుమార్ స్పందిస్తూ... బాలుడికి అన్ని పరీక్షలు చేసిన తర్వాతే చనిపోయినట్లు నిర్ధారించామన్నారు. ఎందువల్ల మృతిచెందాడో సర్టిఫికేట్లో రాసి ఇచ్చామన్నారు. శిశువును రెండోసారి తీసుకొచ్చాక కూడా పరీక్షించి చనిపోయినట్లు చెప్పామని తెలిపారు. దీనిలో వైద్యుల నిర్లక్ష్యం లేదని వెల్లడించారు. సంఘటనా స్థలానికి చేరుకున్న స్థానిక ఎమ్మార్వో... బాధితులతో మాట్లాడి ఘటనను కలెక్టర్ దృష్టికి తీసుకువెళ్లినట్లు చెప్పారు. కలెక్టర్ ఆదేశాల మేరకు తదుపరి చర్యలు తీసుకుంటామన్నామని తెలిపారు.
ఇదీ చదవండి:
