వైకాపా శ్రేణుల చర్యలతో గుంటూరు జిల్లాలో ఎంపీటీసీ, జడ్పీటీసీ స్థానాలకు నామినేషన్లు వేసేందుకు ప్రత్యర్థులు వెనక్కుతగ్గారు. అధికార పార్టీకి చెందిన నేతలు పలుచోట్ల ప్రతిపక్ష పార్టీలకు చెందిన అభ్యర్థులు నామినేషన్లు వేయకుండా అడ్డుకున్నారు. కొన్నిచోట్ల ప్రతిపక్ష పార్టీల తరఫున నామినేషన్లు వేసే వ్యక్తులను మంగళవారం రాత్రే బెదిరించినట్లు ఆరోపణలున్నాయి. కొన్ని ప్రాంతాల్లో నామినేషన్లు వేస్తే తీవ్ర పరిణామాలు ఉంటాయని పోలీసుల చేత బెదిరించారని ప్రతిపక్షాలు ఆరోపిస్తున్నాయి.
జిల్లా వ్యాప్తంగా 77 ఎంపీటీసీ స్థానాలకు వైకాపా మాత్రమే నామపత్రాలు సమర్పించటంతో అవి దాదాపు ఏకగ్రీవమైనట్లే. ఇందులో పల్నాడు ప్రాంతంలో ఎక్కువగా ఉన్నాయి. మాచర్ల నియోజకవర్గంలో మొత్తం 71 ఎంపీటీసీ స్థానాలు ఉండగా 60 స్థానాల్లో వైకాపా నామినేషన్ వేయగా మిగిలిన 11 స్థానాల్లో మాత్రమే ప్రతిపక్షాలు నామినేషన్ వేశాయి. ఏకగ్రీవాల్లో అధికశాతం పల్నాడు ప్రాంతంలోనే ఉన్నాయి. అది కూడా మాచర్ల నియోజకవర్గంలోనే 60 ఎంపీటీసి స్థానాలకు ఒక్కటే నామినేషన్ వచ్చింది. మాచర్ల నియోజకవర్గంలో మొత్తం 71 ఎంపీటీసీ స్థానాలు ఉండగా... కేవలం 11 చోట్ల మాత్రమే వేరే పార్టీల వారు నామినేషన్లు వేశారు.
వైకాపా మాత్రమే నామినేషన్ వేసిన స్థానాలివే....
| మండలం | వైకాపా మాత్రమే నామినేషన్ వేసిన స్థానాలు |
| వెల్దుర్తి | 14 |
| రెంటచింతల | 13 |
| మాచర్ల | 12 |
| దుర్గి | 12 |
| కారంపూడి | 9 |
| నర్సరావుపేట | 6 |
| మాచవరం | 3 |
| బెల్లంకొండ | 2 |
| ముప్పాళ్ల | 1 |
| మేడికొండూరు | 1 |
| తాడికొండ | 1 |
| రొంపిచర్ల | 1 |
| నాదెండ్ల | 1 |
| వట్టిచెరుకూరు | 1 |
ఇదీ చదవండి:సీఐపై చేయిచేసుకున్న వైకాపా అభ్యర్థిని
