గెలిపించండి.. వినుకొండలో తాగునీటి సమస్య తీరుస్తా!

గుంటూరు జిల్లా వినుకొండలో వైకాపా అధ్యక్షుడు జగన్ ఎన్నికల ప్రచారం చేశారు. అధికారం అప్పగిస్తే.. తాగు, సాగు నీటి సమస్యను తీర్చుతానని హామీ ఇచ్చారు.

గుంటూరు జిల్లా వినుకొండలో వైకాపా అధ్యక్షుడు జగన్ ఎన్నికల ప్రచారం చేశారు. కారంపూడి రోడ్డులో బహిరంగ సభలో పాల్గొన్నారు. వినుకొండ ప్రాంతంలో తాగునీటి సమస్యను తెదేపా ప్రభుత్వం పరిష్కరించలేకపోయిందన్నారు. ఏళ్ల తరబడి వినుకొండ ప్రాంతంలో ఉన్న తాగు, సాగు నీటి సమస్యను తీర్చుతానని హామీ ఇచ్చారు. ఐదేళ్లుగా సీఎం చంద్రబాబు రాష్ట్ర ప్రజలకు చేసిందేమీలేదన్నారు. ఎన్నికల వేళ తెదేపా చేస్తున్న వాగ్ధానాలను నమ్మవద్దని అన్నారు. రాష్ట్రంలోని అన్ని నియోజకవర్గాలలో వైకాపా అభ్యర్థులను గెలిపించాలని కోరారు.