గుంటూరు జిల్లా బాపట్ల ప్రాంతంలో కొవిడ్-19 పాజిటివ్ కేసులు నమోదైన బేతని కాలనీ, నరాలశెట్టివారిపాలెం ప్రాంతాలను జిల్లా ఎస్పీ విజయారావు పరిశీలించారు. గుంటూరు జిల్లా రూరల్ పరిధిలో కరోనా కేసులు పెరుగుతున్నాయని... నరసరావుపేటలోనే అత్యధిక కేసులు నమోదయ్యాయని ఆయన వెల్లడించారు.
పాజిటివ్ కేసులు ఎక్కువగా నమోదవుతున్న ప్రాంతాల్లో.... ప్రైమరీ, సెకండరీ కాంటాక్ట్లో ఉన్న వాళ్లకు వైరస్ నిర్ధరణ పరీక్షలు చేస్తున్నామని ఎస్పీ తెలిపారు. అనవసరంగా ఎవరూ బయటకి రావొద్దని స్థానికులను హెచ్చరించారు. మాస్కులు ధరిస్తూ, భౌతిక దూరం పాటించాలని ఎస్పీ సూచించారు.
ఇదీ చదవండి: గుంటూరు నుంచి స్వస్థలాలకు వలస కూలీలు
