నవ్యాంధ్రప్రదేశ్ తొలి శాసనసభాపతి డాక్టర్ కోడెల శివప్రసాదరావు ద్వితీయ వర్ధంతి వేడుకలు చిలకలూరిపేట పట్టణంలోని తెలుగుదేశం పార్టీ కార్యాలయంలో గురువారం నిర్వహించారు. ఆయన చిత్రపటానికి పూలమాలలు వేసి పార్టీ నేతలు నివాళులర్పించారు. ఈ సందర్భంగా పార్టీ నాయకులు జంగా వినాయకరావు ఆధ్వర్యంలో పేదలకు పులిహోర పంపిణీ చేశారు.
కార్యక్రమంలో తెదేపా రాష్ట్ర కార్యదర్శి ఇనగంటి జగదీష్ బాబు, రాష్ట్ర తెలుగు మహిళా ప్రధాన కార్యదర్శి జరీనా సుల్తానా, మాజీ మున్సిపల్ వైస్ ఛైర్మన్ నజీరున్నిసా బేగం, మాజీ జిల్లా ఎస్సీ సెల్ కార్యదర్శి జరుగుమల్లి చెన్నయ్య, పట్టణ ప్రధాన కార్యదర్శి పఠాన్ సమద్ ఖాన్లు మాట్లాడుతూ కోడెల లేని లోటు పార్టీకి తీరనిదన్నారు.
గుంటూరు జిల్లా పార్టీ కార్యాలయంలో...
మూడున్నర దశబ్దాల రాజకీయ జీవితంలో పల్నాటి ప్రజలకు, తెలుగుదేశం పార్టీకి అండగా నిలిచిన గొప్ప వ్యక్తి డాక్టర్ కోడెల శివప్రసాదరావు అని తెదేపా గుంటూరు పశ్చిమ సమన్వయకర్త కోవెలమూడి రవీంద్ర అన్నారు. గుంటూరు తెదేపా జిల్లా పార్టీ కార్యాలయంలో కోడెల శివప్రసాదరావు ద్వితీయ వర్ధంతి కార్యక్రమం నిర్వహించారు. ఆయన చిత్రపటానికి పూలమాలలు వేసి తెదేపా నాయకులు నివాళులర్పించారు.
నకరికల్లు మండలం కండ్లకుంట గ్రామంలో కోడెల శివప్రసాదరావు విగ్రహావిష్కరణ కార్యక్రమం కోడెల తనయుడు కోడెల శివరాం ఆధ్వర్యంలో గురువారం నిర్వహించారు. విగ్రహావిష్కరణ కార్యక్రమానికి తెదేపా మాజీ మంత్రులు అయ్యన్నపాత్రులు, సోమిరెడ్డి చంద్రమోహనరెడ్డి, ఆలపాటి రాజేంద్రప్రసాద్, జీవి ఆంజనేయులు, తదితర మంత్రులు, మాజీ ఎమ్మెల్యే లు హాజరయ్యారు.
ఇదీ చదవండి:
