తాడేపల్లిలో ఓ ఇంట్లో పేలుడు...మహిళకు తీవ్రగాయాలు

తాడేపల్లిలోని ఓ ఇంట్లో టపాసులు పేలి రేకుల ఇల్లు ధ్వంసమైంది. ఈ ఘటనలో ఓ మహిళకు తీవ్రగాయాలయ్యాయి. ఇంట్లో దీపావళి టపాసుల కోసం ఉల్లిపాయ బాంబులు తయారు చేస్తుండగా ఘటన జరిగినట్లు పోలీసులు అనుమానిస్తున్నారు.

గుంటూరు జిల్లా తాడేపల్లిలో పేలుడు కలకలం సృష్టించింది. కృష్ణానగర్లోని ఓ ఇంట్లో బాణాసంచా పేలి రేకుల ఇల్లు ధ్వంసమైంది. ఈ ప్రమాదంలో ఎస్తేరు రాణి అనే యువతి తీవ్రంగా గాయపడింది. ఆమెను హుటాటాహుటిన గుంటూరు ప్రభుత్వ ఆసుపత్రికి తరలించారు. ప్రస్తుతం ఆమె పరిస్థితి నిలకడగా ఉందని వైద్యులు తెలిపారు. వంట చేస్తున్న సమయంలో గ్యాస్ ఫైర్ అవ్వడంతో ఒక్కసారిగా మంటలు చెలరేగి తీవ్రగాయాలయ్యాయని బంధువులు తెలిపారు. సంఘటనాస్థలానికి చేరుకున్న పోలీసులు మాత్రం... ఇంట్లో దీపావళి టపాసులైన ఉల్లిపాయ బాంబులు తయారు చేస్తుండగా ఘటన జరిగి ఉండవచ్చునని అనుమానం వ్యక్తం చేస్తున్నారు.

ఇవీ చూడండి-విద్యార్థిని డస్టర్‌తో కొట్టిన ఉపాధ్యాయుడు..తలకు గాయం