అమ్మా.. నీ బాధ చూడలేనమ్మా...!

బక్రీద్​ పండగంటే త్యాగానికి ప్రతీక... ఆలాంటి మహత్తరమైన రోజున... ఓ తల్లి ఆవేదన చూసి పసిపాప బోరుమని ఏడ్వటం ముస్లిం సోదరులను కదిలించింది. ఈ ఘటన గుంటూరు జిల్లా కాకుమాను మండలం కొమ్మూరులో చోటు చేసుకుంది.

గుంటూరు జిల్లా కాకుమాను మండలం కొమ్మూరులోని బక్రీద్​ ప్రార్థనలో మనసు కరిగించే సన్నివేశం చోటు చేసుకుంది. ఈద్గా వద్ద ముస్లింలు ప్రార్థనలు చేస్తుండగా ఓ మహిళ తన ఆర్థిక ఇబ్బందుల కారణంగా సాయం కోసం వచ్చింది. ఆమె తన బిడ్డను ఎత్తుకుని భిక్షాటన చేస్తూ... మోయలేక కిందకు దించింది. బురఖా వేసుకుని ముద్దుగా ఉన్న ఆ చిన్నారి... చిట్టి చిట్టి పాదాలతో అమ్మ వెనుక ఏడుస్తూ తిరిగింది. భయ్యా... సాయం చేయాలని తల్లి అడుగుతుంటే... అమ్మ బాధను చూడలేక చిన్నారి ఏడుస్తుందా అనేంతగా పరిస్థితి మారింది. ఈ ఘటన చూసి అక్కడ ఉన్నవారి మనసంతా కదిలించింది.

ఇదీ చదవండి

వాగు ఉప్పొంగింది.. వారికి తాడే తోడైంది!