నాటు సారా తయారీ, అమ్మకాలు జరిపితే కఠిన చర్యలు తప్పవని గుంటూరు జిల్లా తెనాలి డివిజన్ అసిస్టెంట్ ఎక్సైజ్ సూపరింటెండెంట్ నరసింహారావు హెచ్చరించారు. రేపల్లె పట్టణంలోని ఎక్సైజ్ కార్యాలయంలో రేపల్లె నియోజకవర్గంలోని మద్యం షాపుల్లో ఉన్న సేల్స్మెన్, సూపర్వైజర్లతో ఎక్సైజ్ అధికారులు సమావేశం నిర్వహించారు. మద్యం అమ్మకాలు, ఎన్నికల్లో పాటించాల్సిన కార్యాచరణపై అసిస్టెంట్ ఎక్సైజ్ సూపరింటెండెంట్ అవగాహన కల్పించారు.
ప్రతి ఒక్కరూ మద్యం నిర్మూలన లక్ష్యంగా పని చేయాలని సూచించారు. నియోజకవర్గ పరిధిలో ఇటీవల నిబంధనలను ఉల్లంఘించి మద్యం అమ్ముతున్న ఇద్దరు సేల్స్మెన్లను అరెస్ట్ చేసి కేసు నమోదు చేసినట్లు ఆయన తెలిపారు. ఇలాంటి ఘటనలు మళ్ళీ పునరావృతం కాకుండా ఉండేందుకే ఈ సమావేశం నిర్వహిస్తున్నామన్నారు. నిబంధనలు ఉల్లంఘించి మద్యం విక్రయాలు జరిపితే కఠిన చర్యలు తీసుకుంటామని తేల్చిచెప్పారు.
ఇదీచదవండి.
