కళ్లుముసుకుని నిరసన వ్యక్తం చేస్తున్న అమరావతి రైతులు
తమ కష్టాలను చూడని ప్రభుత్వ తీరును నిరసిస్తూ అమరావతి రైతులు, మహిళలు వినూత్నంగా నిరసన తెలిపారు. రాజధానిగా అమరావతినే కొనసాగించాలని కోరుతూ మంగళగిరి మండలంలోని కృష్ణాయపాలెం, ఎర్రబాలెంలోని రైతులు 74వ రోజూ నిరసన దీక్షలు చేపట్టారు. కృష్ణాయపాలెంలోని మహిళలు, రైతులు కళ్లు మూసుకొని నిరసన తెలిపారు. 74 రోజులు గడుస్తున్నా తమ ఆవేదనను ప్రభుత్వం గుర్తించకపోవడం దారుణమంటూ వాపోయారు. రైతులు, మహిళలను పెయిడ్ ఆర్టిస్టులన్న వైకాపా నేతలపై మహిళలు ఆగ్రహం వ్యక్తం చేశారు.
