జనసేన అధినేత పవన్‌కల్యాణ్ నేడు ఏలూరు జిల్లాలో పర్యటించనున్నారు. ఆత్మహత్యలు చేసుకున్న కౌలు రైతుల కుటుంబాలను ఆయన పరామర్శించి ఆర్థికసాయం చేయనున్నారు. ఏలూరు మీదుగా పెదవేగి, లింగపాలెం మండల నుంచి చింతలపూడికి పవన్ చేరుకోనున్నారు. అనంతరం చింతలపూడిలో రచ్చబండ కార్యక్రమంలో పాల్గొంటారని ఆ పార్టీ నాయకులు నాదెండ్ల మనోహర్ తెలిపారు. పవన్ పర్యటన అడ్డుకునేందుకు మరమ్మతుల పేరిట రహదారులపై గుంతలు తవ్వుతున్నారని విమర్శించారు. కౌలు రైతులకు ఒక్కో కుటుంబానికి రూ. లక్ష రూపాయల ఆర్థిక సాయాన్ని అందిస్తామని జనసేన అధినేత పవన్‌కల్యాణ్ ఇప్పటికే ప్రకటించిన విషయం తెలిసిందే.
ఇదీ చదవండి: Pawan Kalyan: పవన్ కల్యాణ్ 'కౌలురైతు భరోసా యాత్ర'.. బాధిత కుటుంబాలకు ఆర్థికసాయం
