యానాంలో ప్రవేశానికి మళ్లీ నిబంధనలు

తూర్పుగోదావరి జిల్లాలో కరోనా విజృంభణ కొనసాగుతుండడంపై... యానాం అధికారులు అప్రమత్తమయ్యారు. ఈ ప్రాంతంలోకి ప్రవేశించాలంటే కొన్ని నిబంధనలు పాటించాలన్నారు. ఇప్పటివరకు ప్రజలకు ఉన్న వెసులుబాటును కుదిస్తూ అధికారులు నిర్ణయం తీసుకున్నారు.

తూర్పుగోదావరి జిల్లాలో కరోనా ఉగ్రరూపం దాల్చుతోంది. దీనివల్ల జిల్లాలో అంతర్భాగమైన యానాం ప్రాంతం అధికారులు అప్రమత్తమయ్యారు. చెక్ పోస్ట్​ల వద్ద తనిఖీలు మరింత కట్టుదిట్టం చేయాలని డిప్యూటి కలెక్టర్ శివరాజ్ మీనా సూచించారు. ఇకపై యానాంలోకి వచ్చే వారందరూ చేతులు శుభ్రం చేసుకోవాలి, శానిటైజర్లు వాడాలి, మాస్క్​ ధరించాలి అని సూచించారు.

ఇతర ప్రాంతాల వారికి బ్యాంకు అవసరాలు ఉంటే... వారంలో ఒక రోజున ఒక బ్యాంకు ఖాతాదారుడినే అనుమతిస్తామన్నారు. నిత్యావసర సరుకులు, కూరగాయలు, ఇతర వ్యాపారాలకు ఇప్పుడున్న సమయాన్ని కుదిస్తున్నామన్నారు.ప్రస్తుతం ఉదయం 6 నుంచి రాత్రి 8 వరకు ఉన్న ఈ సమయాన్ని...మద్యాహ్నం 2 గంటలు వరకే పరిమితం చేస్తామన్నారు.

పుదుచ్చేరి ముఖ్యమంత్రి నారాయణసామి, ఆరోగ్య శాఖ మంత్రి మల్లాడి కృష్ణా రావు ఆదేశాలు మేరకు... యానాంలో రానున్న 3నెలలు కఠినమైన నిబంధనలు అమలు చేయనున్నామని డిప్యూటీ కలెక్టర్ తెలిపారు.

ఇదీ చూడండి: 'రాజమహేంద్రవరం నగరానికి స్మార్ట్ సిటీ హోదా వచ్చేలా కృషి చేస్తా'