కెనడా నుంచి స్వగ్రామం చేరుకున్న తేజస్వీ మృతదేహం

మూడేళ్ల కిందట ఉన్నత విద్య, ఉద్యోగం నిమిత్తం తూర్పుగోదావరి జిల్లా ఏలేశ్వరం నుంచి తేజస్వీరెడ్డి కెనాడకు వెళ్లాడు. అక్కడ స్నేహితులతో కలిసి సరదాగా బయటకు వెళ్లిన అతను అక్కడి చెరువులో దిగి మిత్రులతో స్నానం చేస్తుండగా ఇద్దరు నీటిలో మునిగిపోయారు. వారిని కాపాడే క్రమంలో తేజస్వీ చనిపోయాడు. తమ కుమారుడు మరణవార్త విన్న తల్లిదండ్రులు శోకసంద్రంలో మునిగిపోయారు. ఈ ఘటన గత నెల29న జరిగింది. తమ బిడ్డను చివరి సారి చూడాలన్న తల్లిదండ్రుల నిరీక్షణ ఫలించింది. 15 రోజుల తర్వాత మృతదేహాన్ని కెనడా నుంచి ఇండియాకు పంపించారు.

చెరువులో మునిగిపోతున్న ఇద్దరు స్నేహితులను కాపాడి ప్రమాదవశాత్తు నీట మునిగి చనిపోయిన శ్రీనివాస తేజస్వి రెడ్డి మృతదేహం కెనడా నుంచి ఇండియాకు చేరింది. తూర్పుగోదావరి జిల్లా ఏలేశ్వరం గ్రామానికి చెందిన తేజస్వీరెడ్డి గత నెల 29వ కెనడాలో మృతి చెందాడు. తేజస్వీరెడ్డి మృతదేహం కోసం కుటుంబ సభ్యులు 15 రోజులుగా ఎదురు చూస్తున్నారు. ఉన్నత విద్య, ఉద్యోగం రీత్యా మూడు సంవత్సరాలుగా తేజస్వీ రెడ్డి కెనడాలో ఉంటున్నాడు.

తేజస్వీరెడ్డి మృతదేహాన్ని ఇండియాకు తెప్పించాలని కుటుంబ సభ్యులు ఎంపీ వంగా గీతా విశ్వనాథ్​ను అశ్రయించారు. ఆమె స్పందించి తేజస్వీరెడ్డి మృతదేహాన్ని ఇండియాకు రప్పించారు. ఆర్ధికంగా ఇబ్బందులు ఎదుర్కొంటున్న కుటుంబానికి అండగా ఉండాల్సిన కుమారుడు ఇలా మృతి చెందటంతో ఆ తల్లిదండ్రులు ఆవేదన చెందుతున్నారు.

ఇవీ చదవండి