తూర్పుగోదావరి జిల్లా మండపేటకు చెందిన స్వర్ణకారుడు దొంతంశెట్టి బాల నాగేశ్వరరావు తయారుచేసిన అతి సూక్ష్మ చెంచాకు గిన్నీస్‌ వరల్డ్‌ రికార్డు గుర్తింపు లభించింది. ఈ మేరకు గిన్నీస్‌ వెబ్‌సైట్‌లో శనివారం వివరాలను పొందుపరిచినట్లు ఆయన తెలిపారు.
ఈ ఏడాది జనవరి 10వ తేదీన నాగేశ్వరరావు స్వచ్ఛంద సంస్థ ప్రముఖులు, అధికారుల సమక్షంలో.. చెక్కతో 3.09 మిల్లీమీటర్ల పొడవైన అతిచిన్న చెంచాను రెండు గంటల 13 నిమిషాల వ్యవధిలో తయారు చేశారు. సంబంధిత వీడియోలను గిన్నీస్‌ రికార్డు జ్యూరీకి పంపించారు. త్వరలో ధ్రువపత్రం పంపించనున్నట్లు సంస్థ సమాచారం ఇచ్చినట్లు నాగేశ్వరరావు తెలిపారు.
ఇదీ చదవండి:
RRR LETTER: సర్పంచ్ అధికారాల్లో కోత ప్రజాస్వామ్యానికి చేటు: ఎంపీ రఘురామ
