ఈటీవీ భారత్​ కథనానికి స్పందన.. వృద్ధురాలికి ఆశ్రయం

తూర్పుగోదావరి జిల్లా పెదపూడిలో ఏ దిక్కూ లేక మరుగు దొడ్డిలో నివాసం ఉంటోన్న వృద్ధురాలు వీరమ్మ దీన స్థితిపై ఈటీవీ భారత్​ కథనానికి అధికారులు స్పందించారు. జిల్లా న్యాయ సేవాధికార సంస్థ ఆదేశాలతో ఆమె దుస్థితిని పరిశీలించిన తహసీల్దార్​ వృద్ధురాలికి ఆశ్రయం కల్పిస్తామని స్పష్టం చేశారు.

తూర్పుగోదావరి జిల్లా పి గన్నవరం నియోజకవర్గం జి పెదపూడి లో మరుగుదొడ్డిలో నివాసం ఉంటున్న వాసంశెట్టి వీరమ్మకు ఆశ్రయం కల్పిస్తామని తహసీల్దార్ మృత్యుంజయరావు భరోసా ఇచ్చారు. ఆమె దుర్భర పరిస్థతిపై ఈనాడు, ఈటీవీ భారత్​లో వరుస కథనాలు ప్రసారమయ్యాయి. దీనిపై స్పందించిన జిల్లా న్యాయ సేవధికార సంస్థ తక్షణమే ఆమెకు ఆశ్రయం కల్పించాలని ఎమ్మార్వోను ఆదేశించింది. ఈ మేరకు తహసీల్దార్​ మృత్యుంజయరావు వీరమ్మ వద్దకు వెళ్లి ఆమెతో మాట్లాడారు. వీరమ్మ మరుగు దొడ్డిలో నివాసముంటున్న దుస్థితిని పరిశీలించారు. ఆమెకు వెంటనే ఆశ్రయం కల్పిస్తామని స్పష్టం చేశారు.

ఇదీ చూడండి: