తూర్పుగోదావరి జిల్లా జగ్గంపేట జాతీయ రహదారిపై రామవరం వద్ద పోలీసులు చేపట్టిన తనిఖీల్లో 240 కిలోల గంజాయి పట్టుబడింది. హైదరాబాద్కు చెందిన నలుగురు యువకులు విశాఖ మన్యం నుంచి హైదరాబాద్కు ఇన్నోవా కారులో గంజాయి తరలిస్తూ పట్టుబడ్డారని జగ్గంపేట సీఐ సురేశ్ బాబు తెలిపారు. విశాఖ మన్యంలో కిలో గంజాయి రెండు వేల రూపాయల చొప్పున కోనుగోలు చేసి..హైదరాబాద్లో ఐదు వేల రూపాయలకు కిలో చొప్పున విక్రయిస్తున్నారని వెల్లడించారు. నలుగురు యువకుల నుంచి 4 సెల్ఫోన్లు, 9,700 నగదు, రెండు కార్లు స్వాధీనం చేసుకున్నట్లు చెప్పారు. యువత ఇటువంటి చర్యలకు పాల్పడి తమ భవిష్యత్తును పాడుచేసుకోవద్దని సీఐ సురేశ్ బాబు అన్నారు. తనిఖీల్లో జగ్గంపేట ఎమ్మార్వో, ఇద్దరు వీఆర్వోలు పాల్గొన్నారు.
ఇదీ చదవండి:
