రెట్టింపు నగదు పేరుతో మోసం చేస్తున్న మహిళను చిత్తూరు జిల్లా ఏర్పేడు పోలీసులు అరెస్టు చేశారు. నెల్లూరు జిల్లా సూళ్లూరుపేటకు చెందిన ధనలక్ష్మి అలియాస్ అనూష(35), అనంతపురానికి చెందిన సూర్య, మరో వ్యక్తి కలిసి.. రెట్టింపు నగదు పేరుతో మోసాలకు పాల్పడుతున్నారు.
కడప జిల్లాకు చెందిన సుధాకర్ను రూ.12లక్షలు ఇస్తే నాలుగు రెట్లు ఇస్తామని నమ్మించి.. నాలుగు రోజుల కిందట డబ్బు తీసుకున్నారు. ఒప్పందం ప్రకారం.. రెండ్రోజుల కిందట సుధాకర్కు ఏర్పేడు సమీపంలో రెండు బ్యాగులు అందజేశారు. సుధాకర్ ఇంటికి వెళ్లి బ్యాగును తెరిచి చూడగా.. బ్యాగు పైభాగంలో మాత్రమే రూ.100 నోట్ల కట్టలు ఉంచి.. కింది భాగంలో కాగితాలు ఉంచారు. దీంతో సుధాకర్ ఒక్కసారిగా షాక్కు గురయ్యాడు. వెంటనే పోలీసులకు ఫిర్యాదు చేయటంతో.. ధనలక్ష్మిని అరెస్టు చేసి.. రూ.9లక్షలు రికవరీ చేశారు. పరారీలో ఉన్న ఇద్దరు నిందితుల కోసం గాలింపు చర్యలు చేపట్టారు.
ఇలాంటి మోసాలకు పాల్పడిన వారిపై కఠిన చర్యలు తీసుకుంటామని.. ఏర్పేడు పోలీసులు తెలిపారు.
ఇదీ చదవండి:
