'బకాయిలు ఇప్పించండి.. లేదంటే పోరాటం ఉద్ధృతం'

చక్కర పరిశ్రమ నుంచి బకాయిలు ఇప్పించాలంటూ.. చిత్తూరు జిల్లా నిండ్ర మండల రైతులు అక్కడి తహసీల్దారుకు వినతిపత్రం ఇచ్చారు.

చిత్తూరు జిల్లా నిండ్ర మండలంలోని నేతమ్స్ షుగర్స్ యాజమాన్యం.. బకాయిలను వెంటనే చెల్లించాలని చెరకు రైతులు డిమాండ్ చేశారు. ఈ మేరకు.. తహసీల్దారుకు వినతిపత్రం ఇచ్చారు. రైతులకు ప్రభుత్వమే చొరవ తీసుకుని యాజమాన్యం నుంచి బకాయిలు ఇప్పించాలని వేడుకున్నారు.

మండలంలోని 3 వేల రైతులకు సుమారు 25 కోట్ల రూపాయిలు బకాయిలు ఉన్నట్లు వాపోయారు. ఈ ఏడాది జనవరి నుంచి కనీసం కూలీల డబ్బు ఇవ్వలేదని.. అది కూడా పెండింగులో పెట్టి రైతులను కష్టాల్లోకి నెడుతున్నారని ఆవేదన చెందారు. వెంటనే బకాయిలు చెల్లించకుంటే నిరసనను మరింత ఉద్ధృతం చేస్తామని రైతులు హెచ్చరించారు.

ఇవీ చూడండి: