కర్ణాటకలో చిత్తూరుకు చెందినప్రేమజంట ఆత్మహత్య

ప్రేమ పెళ్లికి పెద్దలు అంగీకరించలేదు. ఇద్దరికీ వేర్వేరుగా పెళ్లి చేశారు. తట్టుకోలేక వారిద్దరూ కర్ణాటక కుప్పనహళ్లి సమీపంలో ఆత్మహత్యకు పాల్పడ్డారు. మృతులు చిత్తూరు జిల్లావాసులు.

కర్ణాటక రాష్ట్రం కోలార్ జిల్లా బేత్ మంగళం సమీపంలో చిత్తూరు జిల్లాకు చెందిన ప్రేమికులు ఆత్మహత్య చేసుకున్నారు. వి.కోట మండలం గెస్తిపల్లికి చెందిన నీలకంఠ, చల్లపల్లికి చెందిన లలితలు కొంతకాలంగా ప్రేమించుకుంటున్నారు. విషయం తెలిసిన పెద్దలు ఇద్దరికీ వేర్వేరుగా పెళ్లి చేశారు. నెలరోజుల క్రితం ఇద్దరు కలిసి బెంగళూరుకు వెళ్లారు. వారిద్దరి కోసం కుటుంబసభ్యులు వెతుకుతున్నారు. ఈ నేపథ్యంలో కుప్పనహళ్లి అటవీ ప్రాంతంలో ప్రేమికులిద్దరూ విగత జీవులుగా పడి ఉండటాన్ని కర్ణాటక పోలీసులు గుర్తించారు. మృతదేహాలకు పోస్టుమార్టం నిర్వహించి స్వగ్రామాలకు తరలించేందుకు ఏర్పాట్లు చేస్తున్నారు.

ఇవీ చూడండి-పేయింగ్​ గెస్ట్​గా ఉంటూ చోరీలు చేస్తోన్న మహిళ అరెస్టు