కొండప్రాంతంలో మహిళ హత్య..

అనంతపురం జిల్లా పామిడి శివారులోని కొండప్రాంతాల్లో ఓ మహిళను గుర్తు తెలియని దుండగులు దారుణంగా హతమార్చారు. ఆ మృతదేహం దుర్వాసన రావటంతో గొర్రెలకాపరులు గమనించి.. పోలీసులకు సమాచారం అందించారు.

అనంతపురం జిల్లా పామిడి శివారులోని కొండప్రాంతంలో ఓ మహిళను.. దుండగులు దారుణంగా హతమార్చారు. మృతదేహం దుర్వాసన రావడంతో అటుగా వెళ్తున్న గొర్రెలకాపరులు గమనించి పోలీసులకు సమాచారం అందించడంతో ఈ సంఘటన వెలుగులోకి వచ్చింది. ఘటనా స్థలానికి చేరుకున్న పోలీసులు.. ఆ మృతదేహాన్ని పరిశీలించారు. మృతురాలికి 30 నుంచి 35 ఏళ్ల వయసుంటుందని.. అత్యాచారం చేసి ఉండొచ్చని పోలీసులు భావిస్తున్నారు. ఈ హత్య మూడ్రోజుల క్రితం జరిగి ఉండొచ్చని అనుమానిస్తున్నారు. పోస్టుమార్టం నిమిత్తం మృతదేహాన్ని స్థానిక ప్రభుత్వ ఆసుపత్రికి తరలించారు. సంఘటనపై కేసు నమోదు చేసుకొని పోలీసులు దర్యాప్తు చేస్తున్నారు.

ఇదీ చూడండి: తిరుమల శ్రీవారికి స్వర్ణ శంఖుచక్రాలు బహూకరణ