ముంపులో శిల్ప లేపాక్షినగర్.. ఎమ్మెల్యే కుటుంబం మోసగించిందంటూ ఆరోపణలు

MLA Shilpa Chakrapani Reddy: డీటీసీపీ అనుమతి ఉన్న లేఔట్ అంటే ఎవరైనా ఆ స్థలాలు, భవనాలు కొనుగోలు చేయటానికి ముందుకు వస్తారు. అయితే కర్నూలు జిల్లా శ్రీశైలం వైకాపా ఎమ్మెల్యే శిల్ప చక్రపాణిరెడ్డి కుటుంబం, తాము కొనుగోలు చేసిన భూమిలో ఉన్న వంకను పూడ్చి ఇళ్ల స్థలాలు విక్రయించి ప్రజలను ముంచేశారు. 45 రోజులుగా నీటిలోనే జీవనం సాగిస్తూ.. తమను ముంపు నుంచి రక్షించాలని అధికారుల చుట్టూ తిరుగుతున్నారు.

Residents of Shilpa Lepakshi Nagar Colony: గేటెడ్ కమ్యూనిటీ, పిల్లల ఆట స్థలం.. విశాలమైన రోడ్లు అని అందరినీ నమ్మించారు. ఇదంతా నిజమని నమ్మి.. లక్షల రూపాయలు ఖర్చు చేసి స్థలాలు కొనుగోలు చేశారు. నగరానికి దూరంగా ప్రశాంతమైన వాతావరణం, ప్రకృతిని ఆస్వాదించే అవకాశం ఉంటుందనుకున్నారు. తీరా ఇళ్లు నిర్మించాక కాలనీ వాసులకు కన్నీరే మిగిలింది. లేఔట్‌లోని వంకను పూడ్చేసి.. శ్రీశైలం వైకాపా ఎమ్మెల్యే శిల్ప చక్రపాణి రెడ్డి కుటుంబం చేసిన మోసంతో తామంతా మునిగిపోయామని వారు వాపోతున్నారు. 45 రోజులుగా నీటిలోనే జీవనం సాగిస్తున్న అనంతపురం నగర శివారులోని శిల్పా లేపాక్షి నగర్ కాలనీ వాసులు..

సాధారణంగా డీటీసీపీ అనుమతి ఉన్న లేఔట్ అంటే ఎవ్వరైనా ఆ స్థలాలు, భవనాలు కొనుగోలు చేయటానికి ముందుకు వస్తారు. ప్రభుత్వంలోని వివిధ శాఖల అధికారులు నిర్దేశిత స్థలాన్ని అన్ని కోణాల్లో పరిశీలించి, నివాస యోగ్యమైనదిగా గుర్తించాకే డీటీసీపీ అనుమతి ఇస్తుంది. అయితే కర్నూలు జిల్లా శ్రీశైలం వైకాపా ఎమ్మెల్యే శిల్ప చక్రపాణిరెడ్డి కుటుంబం, తాము కొనుగోలు చేసిన భూమిలో ఉన్నవంకను పూడ్చి ఇళ్ల స్థలాలు విక్రయించి ప్రజలను ముంచేశారు. అనంతపురం నగర శివారులోని పంగల్ రోడ్డు సమీపంలో అత్యంత ఖరీదైన కాలనీగా పేరున్న శిల్ప లేపాక్షి నగర్ అంటే ప్రజలంతా భయపడే పరిస్థితి నెలకొంది.

'లేఔట్​ లోని భూమిలో వంకను పూడ్చేసి ఇంటి స్థలాలు విక్రయించారని గుర్తించారు. చినుకు రాలిందంటే చాలు ఆ కాలనీ చెరువుగా మారిపోతోంది. మీమంతా మోసపోయాం. తమను ముంపు ముప్పు నుంచి రక్షించాలని అధికారుల చుట్టూ తిరిగుతున్నాం.' - శిల్ప లేపాక్షి నగర్ కాలనీ వాసులు

ఈ గేటెడ్ కమ్యూనిటీలో 670 ఇంటి ప్లాట్లు వేయగా, దాదాపు 392 మంది వరకు ఇళ్లు నిర్మించుకున్నారు. ఉద్యోగ పదవీ విరమణతో వచ్చిన సొమ్ముతో ఇల్లు నిర్మించుకున్నవారికి సంతోషం దూరమైంది. గేటెడ్ కమ్యూనిటీలో తమవారు భద్రంగా ఉండాలని.., సైన్యంలో ఉంటూ తమ వారి కోసం ఇల్లు నిర్మించిన సైనికులు శిల్ప లేపాక్షి నగర్ లో మునిగిన ఇళ్లలో కుటుంబ సభ్యులను తలుచుకొని ఆవేదన పడుతున్నారు. 45 రోజులుగా మురుగు నీటిలో జీవనం చేస్తున్నామని బాధితులు ఆవేదన వ్యక్తం చేస్తున్నారు.

అనంతపురం జిల్లాలో 2 నెలలగా కురుస్తున్న భారీ వర్షాల కారణంగా....నీరు వెళ్లటానికి వీలులేక వంక నుంచి వచ్చిననీరు వచ్చినట్లుగా ఆ కాలనీలోని రోడ్లపై ఎక్కడికక్కడ నిలిచిపోయింది. వరద నీటితో పాటు మురుగునీరు పెద్ద రావటంతో దోమలు, విషపురుగులతో అల్లాడిపోతున్నామని బాధితులు ఆవేదన వ్యక్తం చేస్తున్నారు.

వరదనీరు ముంచెత్తుతోందని కాలనీవాసులు ..కలెక్టర్‌ను కలిసి తమ గోడు చెప్పుకున్నారు. పదుల సార్లు స్పందనకు వెళ్లి ఫిర్యాదు చేశారు. అన్నింటినీ బుట్టదాఖలు చేసిన అధికారులు.. అటువైపు కన్నెత్తి చూడలేదని బాధితులు చెబుతున్నారు. వంక మార్గంలోని ఆక్రమణలు తొలగించి, నీటి ప్రవాహం వెళ్లే మార్గం చేయాలని కాలనీ వాసులు వేడుకుంటున్నారు.

ఇవీ చదవండి: