కర్ణాటకలోని జోగ్ జలపాతం వద్ద బస్సు లోయలో పడిన ఘటనలో అనంతపురం జిల్లా కదిరికి చెందిన పదో తరగతి విద్యార్థి బాబా ఫక్రుద్దీన్ మృతి చెందాడు. ఈ ప్రమాదంలో మరో ఆరుగురికి గాయాలయ్యాయి. కదిరి ప్రభుత్వ వేమన ఉన్నత పాఠశాల నుంచి మూడ్రోజుల క్రితం 45 మంది విద్యార్థులు, 11 మంది ఉపాధ్యాయులు వెళ్లారు. కార్వాన్ జిల్లాలోని జోగ్ జలపాతం వద్ద బస్సు అదుపు తప్పి లోయలో పడింది. సమాచారం అందుకున్న కర్ణాటక పోలీసులు బాధితులను లోయలో నుంచి బయటకు తీసుకువచ్చారు. విషయాన్ని తెలుసుకున్న అనంతపురం జిల్లా కలెక్టర్ గంధం చంద్రుడు, ఎస్పీ సత్య ఏసుబాబు బాధితులకు సహాయం అందించేందుకు జిల్లా నుంచి సిబ్బందిని పంపించారు.
సీఎం ఆరా..
బస్సు ప్రమాదంపై ముఖ్యమంత్రి జగన్ ఆరా తీశారు. గాయపడ్డవారికి తక్షణమే వైద్య సహాయం అందించాలని కలెక్టర్ను ఆదేశించారు. విద్యార్థులు క్షేమంగా తిరిగి రావడానికి ప్రయాణ సౌకర్యాలు ఏర్పాటు చేయాలని సూచించారు.
ఇదీ చూడండి:
