అనంతపురం జిల్లా మడకశిర పట్టణంలోని మద్యం దుకాణాలు కొత్త ధరలతో మధ్యాహ్నం తెరుచుకున్నాయి. మద్యం ధరలు అధికంగా పెరగడంతో రోజువారీ కూలీ పని చేసుకొని జీవనం సాగించే వారికి... మద్యం అందని ద్రాక్షగా మారింది. నిన్న మద్యం షాపుల వద్ద బారులు తీరిన జనం నేడు రాలేదు. మద్యం కోసం వచ్చిన అరకొర మందుబాబులకు ధరలు తెలపగానే చాలామంది వెనుదిరిగారు. మద్యం ధరలు అధికంగా ఉండడంతో ఇద్దరు ముగ్గురు వ్యక్తులతో మద్యం షాపులు వెలవెలబోతున్నాయి. మడకశిర నియోజవర్గం చుట్టూ ఉన్న కర్ణాటక ప్రాంతంలో తక్కువ ధరలతో మద్యం దొరకడంతో చాలామంది అక్కడికి వెళ్తున్నారు.
ఇదీ చూడండి లాక్డౌన్ ఎత్తివేస్తే ఇవి తప్పనిసరిగా పాటించాలట!
