ప్రశాంతంగా గణేష్ ఉత్సవాలు జరుపుకోండి. అనంత డీఎస్పీ

వినాయకచవితి సందర్భంగా పోలీసులు జాగ్రత్తలు తీసుకుంటున్నారు. ఇందులో భాగంగా అనంతపురం డీఎస్పీ పలు సూచనలు ఇచ్చారు.

వినాయక చవితి ఉత్సవాల్లో భాగంగా అనంతపురం జిల్లా రామగిరి సర్కిల్లో ఉన్న మూడు స్టేషన్ పరిధిలోని పోలీసులు సమావేశమయ్యారు. వినాయక చవితి పండుగ రోజు నుంచి నిమజ్జనం వరకు గ్రామాల్లో ఎలాంటి గొడవలు జరగకుండా పోలీసులు జాగ్రత్తగా చూసుకోవాలని డీఎస్పీ రమాకాంత్ వారికి సూచనలు ఇచ్చారు. ప్రజలకు ఆటంకం కలిగించేలా రహదారులకు అడ్డంగా వినాయక విగ్రహాలు పెట్టడం, ఎక్కువ సౌండ్ పెట్టడం లాంటి కార్యక్రమాలు లేకుండా ప్రశాంతంగా నిమజ్జనం చేయాలని మీడియా ద్వారా ప్రజలకు తెలియజేయాలని సూచించారు. ప్రజలకు ఇబ్బంది కలిగేలా ఎలాంటి సమస్యలైనా వారిపై కఠిన చర్యలు ఉంటాయని డీఎస్పీ పేర్కొన్నారు.

ఇదీచూడండి.తెదేపా అనుబంధ సంఘాల్లో మహిళలకే ప్రాధాన్యం:లోకేశ్