తెలుగుదేశం పార్టీ రాష్ట్రంలో తలపెట్టిన నారీ దీక్షకు ప్రశాంతి ఎక్స్ప్రెస్లో వెళ్తున్న అనంతపురం మాజీ మేయర్ మదమంచి స్వరూపను గుంతకల్లు ఒకటో పట్టణ పోలీసులు రైల్వే స్టేషన్లో అదుపులోకి తీసుకున్నారు. అనంతపురం నుంచి రైలులో విజయవాడకు వెళ్తున్న ఆమెను అడుగడుగునా అడ్డగించిన పోలీసులు ఎట్టకేలకు గుంతకల్లు రైల్వే స్టేషన్లో రైళ్లో నుంచి బలవంతంగా కిందకు దింపారు. మహిళలకు వైకాపా పాలనలో రక్షణ కరవైందని.. చిన్నారుల నుంచి వృద్ధుల వరకూ ఇదే పరిస్థితి ఉందని విమర్శించారు. విజయవాడలో చిన్నారిపై జరిగిన అత్యాచారానికి నిరసన తెలియజేయకుడా.. పోలీసులు అడ్డుకోవడం చాలా దారుణంగా ఉందన్నారు. పోలీసుల అనుచిత తీరుపై ఆమె అభ్యంతరం వ్యక్తం చేశారు. గుంతకల్లుకు చెందిన టీడీపీ నాయకులు రైల్వే స్టేషన్కు వచ్చి ఆమెను పరామర్శించారు.
ఇదీ చదవండి: Varla Letter to CM Jagan: 'ఆ జిల్లాలకు వారి పేర్లు పెట్టాలి'..సీఎం జగన్కు వర్ల లేఖ
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
