Yash Dhull Ranzi Trophy: అండర్-19 ప్రపంచకప్ను భారత్కు అందించిన కెప్టెన్ యష్ ధుల్ రంజీ ట్రోఫీలో ఆడేందుకు సిద్ధమయ్యాడు. అతడు దిల్లీ జట్టుకు ప్రాతినిధ్యం వహించనున్నాడు. తాజాగా దిల్లీ టీమ్ తమ జట్టు కోసం ఎంపిక చేసిన ఆటగాళ్ల పేర్లను ప్రకటించింది. వీరిలో యష్ పేరు ఉంది. ఈ జట్టుకు ప్రదీప్ సంగ్వాన్ కెప్టెన్గా వ్యవహరించనున్నాడు.
యష్.. ఫిబ్రవరి 10న గౌహతికి చేరుకుంటాడు. అక్కడే 5రోజుల పాటు క్వారంటైన్లో ఉండనున్నాడు. అనంతరం జట్టుతో కలవనున్నాడు. కాగా, ఈ జట్టుకు ప్రాతినిధ్యం వహిస్తున్నఇషాంత్ శర్మ.. ఈ సీజన్ నుంచి తప్పుకున్నాడు.
"యష్కు ఆత్మవిశ్వాసం చాలా ఎక్కువ. అతడు ఎర్ర బంతి మ్యాచులు ఎక్కువగా ఆడనప్పటికీ ఫస్ట్క్లాస్ క్రికెట్లో అద్భుతంగా రాణిస్తాడని ఆశిస్తున్నాం" అని ఓ డీడీసీఏ సెలక్టర్ అన్నారు.
ప్రస్తుతం యష్తో పాటు అండర్-19 ప్రపంచకప్ విజేత జట్టు మొత్తం అహ్మాదాబాద్లో ఉంది. వీరందరూ టీమ్ఇండియా-వెస్టిండీస్ మధ్య జరిగిన రెండో వన్డేకు అతిథులుగా హాజరై మ్యాచ్ను వీక్షించారు.
జట్టు: ప్రదీప్ సంగ్వాన్(కెప్టెన్), నితీశ్ రానా, ధ్రువ్ సోరె, ప్రియాంశ్ ఆర్య, యశ్ ధుల్, సితిజ్(Khsitij) శర్మ, జాంటీ సిధు, హిమ్మత్ సింగ్, లలిత్ యాదవ్, అనుజ్ రావత్, లక్షయ్ థరేజా, నవదీప్ సైనీ, సిమర్జిత్ సింగ్, మయాంక్ యాదవ్, కుల్దీప్ యాదవ్, వికాస్ మిశ్రా, శివాంగ్ వశిష్ట్, శివమ్ శర్మ
ఇదీ చూడండి: Team India U19: కొత్తగా '19 ప్లస్' టీమ్.. బీసీసీఐ యోచన
