Team India ODI Record: టీమ్ఇండియా, వెస్టిండీస్ మధ్య వన్డే సిరీస్కు సమయం దగ్గరపడుతోంది. ఫిబ్రవరి 6 నుంచి భారత్ వేదికగా సిరీస్ ప్రారంభంకానుంది. అయితే.. ఈ మ్యాచ్ టీమ్ఇండియాకు ఎంతో ప్రత్యేకం కానుంది. క్రికెట్ చరిత్రలో అత్యధికంగా 1000 వన్డేలు ఆడిన తొలి జట్టుగా టీమ్ఇండియా నిలువనుంది.
భారత్ 1000వ వన్డే మ్యాచ్కు అహ్మదాబాద్లోని నరేంద్ర మోదీ స్టేడియం వేదిక అవుతుండటం విశేషం. అయితే.. టీమ్ఇండియా తొలి వన్డే మ్యాచ్ లీడ్స్ వేదికగా 1974 జులై 13న ఆడింది. ఈ మ్యాచ్లో ఇంగ్లాండ్ చేతిలో 4 వికెట్ల తేడాతో ఓటమిపాలైంది.
ఆస్ట్రేలియా టాప్..
ఇప్పటివరకు 999 మ్యాచ్లాడిన భారత్ 518 విజయాలు సొంతం చేసుకుంది. 431 మ్యాచ్ల్లో ఓడిపోయింది. 581 విజయాలతో ఆస్ట్రేలియా జట్టు టాప్లో ఉంది. కాగా, 432 ఓటములతో శ్రీలంక జట్టు.. ఎక్కువసార్లు ఓడిపోయిన జాబితాలో రెండో స్థానంలో ఉంది.
రెండు జట్లే..
టీమ్ఇండియాతో పాటు రెండు జట్లు మాత్రమే ఇప్పటివరకు 900లకు పైగా వన్డేలు ఆడాయి. ఆస్ట్రేలియా 958 మ్యాచ్లు ఆడగా, పాకిస్థాన్ 936 గేమ్స్ ఆడింది. ఆసీస్ మొత్తంగా 581 విజయాలు సాధించి.. 334 సార్లు ఓటమి చవిచూసింది. పాక్ జట్టు 490 విజయాలు సాధించి.. 417 సార్లు ఓడిపోయింది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చదవండి:
IPL 2022: స్వదేశంలోనే ఐపీఎల్.. ఆ రెండు రాష్ట్రాల్లో మ్యాచ్లు!
